群記爽腩
西灣河群記的牛腩湯底夠濃夠香，有陣別家所無的牛膻味，河粉又夠大碗幾夠飽。吃街坊店鋪預算不要拘泥超級潔浄，亦正好偶然培育體內益生菌及抵抗力，但仍好奇留意他們的筷子幾奧妙，筷子算洗得爽身，但每根筷子腳中央必定留下圓形暗黃印記，究竟點洗先可以有咁嘅效果，定還是日子有功膠筷一定會洗成咁。我又牛膚淺，食極都沒有仔細分清楚爽腩、面珠墩腩、崩沙腩或坑腩。
每次想食肥少少他們會介紹崩沙腩。話有些少韌喎，他們話下次不如試下食面珠墩腩。喂好似仲韌喎，他們又介紹下次食番坑腩。始終嫌瘦喎，他們又推薦下次可以食爽腩。嗱如果又想少少肥又爽又唔韌，就最好食最高階四十五元的金牌爽腩。群記係唔係麥兜開嘅！
Search